Sunod- sunod pa ang naging kaso ng pagkamatay ng mga kabataan sa computer shops sa iba't ibang panig ng bansa. Kinontak si Janus ng nagpakilalang Joey, isa rin umano sa mga nakaligtas sa paglalaro ng TALA na gaya niya. Hindi inasahan ni Janus ang mga matutuklasan niya mula rito na mag-uugnay sa kaniya sa misteryo ng kinahuhumalingan niyang RPG at sa alamat ng Tiyanak mula sa Tabon!